SITUACIÓN XEOGRÁFICA: | Concello de Forcarei (Pontevedra) |
DATA DA ACTIVIDADE: | Sábado, 19 de Setembro de 2015 |
PREPARADA POR: | Eugenia e Juanjo |
PREZO DA ACTIVIDADE: | 12€ para os socios, 17€ para os non socios federados e 20€ para os non socios non federados. Inclúe desprazamento en autobús e seguro de actividade |
DATA TOPE PARA APUNTARSE: | Xoves, 17 de Setembro de 2015, antes das 15 horas |
COMO CHEGAR: | Collemos a AP-9 ata enlazar coa AP-53 dirección Ourense ata a saída 33 onde collemos a PO-205 ata o destino. |
TIPO DE SENLLA: | Lineal |
DIFICULTADE: | Baixa — Baixa-Media — Media — Media-Alta — Alta |
DURACIÓN: | 6,5 horas |
DISTANCIA LINEAL: | 21 Km. |
INTERESE DA RUTA: | Xeral |
RECOMENDACIÓNS: | Levar roupa cómoda e auga |
BREVE DESCRICIÓN: | Iniciamos o noso percorrido no alto de Penadoira, cruzando un parque eólico que deixamos para comezar o descenso cara ao Mosteiro de Aciveiro. Despois de atravesar a aldea da Rochela e logo de cruzar o Lérez pola estrada collemos por un camiño que pasa preto dunha alvariza. Tras pasar unha pequena ponte, baixamos ao carón do río, e axiña pasamos preto dun muíño e subimos cara uns penedos con vistas ao mosteiro. Entramos nun lugar onde a vexetación aparece verde e vizosa rodeando ao Lérez. Seguimos pola beira do río deixando atrás a pequena Ponte das Buratas e pasando por un vello muíño para chegar á Ponte do Porto do Muíño. Imos a desviarnos por un camiño que nos conduce a Andón. Atravesando o pobo iremos dar a un camiño que descende cara á Ponte Vella de Andón, das máis singulares do Lérez. A paisaxe tórnase nunha vexetación de monte raso a medida que nos acercamos ao Pico Valiñas. Descendemos por un camiño empedrado que nos levará á Ponte da Carballa onde volvemos a atoparnos co Lérez. Pasamos á outra beira e camiñando río abaixo chegamos á Ponte do Crego. Seguimos o camiño ata atopar uns pasos de pedra no río polos que teremos que cruzar e seguindo pola beira do río chegamos á Ponte Maril. Continuamos ata chegar á Ponte do Batán, tamén coñecida como Ponte de Forcarei. Ascenderemos por un regato para pasar de contado por unha pontella que nos leva á Ponte Gomail, unha das máis fermosas do Lérez. Despedímonos do río ascendendo por un camiño que nos leva a Gaxín, onde nos recollerá o autobús. |
OUTROS DATOS: | Pararemos a mercar o necesario en Silleda |