« Voltar

Meirás (Valdoviño)

Ruta Meirás.pdf (988 Kb)
SITUACIÓN XEOGRÁFICA: Concello de Valdoviño
DATA DA ACTIVIDADE: Sábado, 30 de Abril de 2016
PREPARADA POR: Raquel, Carlos Souto e Blas
PREZO DA ACTIVIDADE: 12€ para os socios, 15€ para os non socios federados e 17€ para os non socios non federados. Inclúe desprazamento en autobús e seguro de actividade
DATA TOPE PARA APUNTARSE: Xoves, 28 de Abril de 2016, antes das 15 horas
COMO CHEGAR: Sairemos a través da AP-9 ata a saída 34F para enlazar coa estrada FE-12 e despois coa AC-566 que nos situará en Valdoviño.

DATOS TÉCNICOS:

TIPO DE SENLLA: Pista, sendeiros, praias e algo de asfalto nas unións
DIFICULTADE: Baixa — Baixa-Media — Media — Media-Alta — Alta
DURACIÓN: 7 horas
DISTANCIA LINEAL: 25 Km.
INTERESE DA RUTA: Paisaxística e histórica
RECOMENDACIÓNS: Se chove levar protección impermeable
BREVE DESCRICIÓN: Sairemos da praia da Frouxeira para dirixirnos ao faro de Meirás e á praia do Río, dende onde comezaremos a subida máis dura do día ao Pico da Vela.
Podemos gozar dalgunhas das mellores vistas da Costa Ártabra, das praias de Meirás e da Frouxeira coa súa lagoa, así como de todo o val de Valdoviño.
Unha vez alcanzado o Pico da Vela podemos gozar da vista da praia de Campelo e a costa que nos leva ata o faro de Cobas (praias de Ponzos e Santa Comba coa súa ermida).
A ruta rematará en Meirás, onde teremos a posibilidade de tomar unhas tortillas e un churrasco para acompañar a tradicional cervexa. O prezo aproximado é de 10€ que se pagarán no local. Os interesados en participar deben comunicalo ao club, mediante correo ou teléfono, ata o xoves 28.
OUTROS DATOS: Pararemos a almorzar e mercar o necesario en Narón.
« Voltar