Club de Montaña “O Carroucho”
InicioFin De Semana No Xurés
| Última actualización |
| 26/02/2023 |
INFORMACIÓN DA ZONA
A Serra do Xurés forma parte do Parque Natural Baixa Limia – Serra do Xurés, ao sur da provincia de Ourense. Comprende as partes altas dos municipios de Lobios, Entrimo e Muiños. É limítrofe co Parque Nacional Serras de Peneda-Gerês en Portugal. Áreas que souberon entenderse, máis aló de fronteiras políticas, para constituír o único parque transfronteirizo existente en Europa, un espazo unido pola súa cultura e por unha natureza común.
As “corgas” son correntes de auga que baixan dos montes. Na Baixa Limia “corga” é un termo moi utilizado, sendo numerosos os exemplos de regatos que caen polas paredes graníticas da serra de O Xurés.
O Fecha é un pequeno arroio afluente do río Caldo. Fecha significa “arroio” polo que Corga da Fecha vén designar algo así como “curso de auga do arroio”. Á súa vez recibe augas doutras corgas como Carballón, Curro ou Revolta. Esta confluencia de augas de montaña ten singularidade estacional, sendo o inverno e a primavera o momento de maior espectacularidade polo aumento de caudal.O Fecha é ben coñecido como espectacular descenso para barranquistas de toda a comunidade. É visitado sobre todo no vran.
A Corga da Fecha é rechamante. Máis de douscentos metros de desnivel convértena nunha das principais caídas de auga de Galicia. Diversos chanzos na roca van deixando caer a auga cara ao seguinte nivel nunha sucesión de fervenzas encadeadas que conflúen en pozas intermedias de gran beleza, nun entorno fortemente granítico. Algunhas das pozas son accesibles a pé dende a parte inferior do río, onde se une co Río Caldo.
ALOXAMENTO E PREZOS
Aloxarémonos en Lobios, no Hotel Lusitano (Estrada de Portugal, 47. 32870 Lobios, Ourense). Durmiremos en habitacións dobres con baño en réxime de media pensión con pícnic o domingo. Pararemos a mercar o necesario en ruta para o xantar do primeiro día que corre por conta de cada un.
Lembrámosvos que o número de prazas, coma sempre, é limitado e estableceuse en 40 persoas. Por favor, levade coidado á hora de facer os ingresos para evitar despois problemas na adxudicación de prazas que, como xa imaxinades, farase por estrita orde de recepción do ingreso. O prezo será de 100€ para os socios, 125€ para os non socios federados e 150€ para os non socios non federados, que se aboarán do seguinte xeito:
- Un ingreso en conta de 50 € os socios
- 75 € os non socios federados
- 100 € os non socios non federados.
Os 50 € restantes, pagaránse no autobús. Para apuntarse, antes do 16 de Marzo. O ingreso pode empezar a facelo todo o mundo a partir deste intre e os socios non terán preferencia ata o 10 de Marzo na asignación de prazas.
A saída farémola na mañá do sábado 25 de marzo e os lugares e horarios de parada do bus, son os seguintes:
|
PROGRAMA PREVISTO DE ACTIVIDADES
| 25/03/2023 1º DIA (SAB) | CHEGADA SOBRE AS 11:00 | |
| 26/03/2023 2º DIA (DOM) | ALMORZO ÁS 08:00 | |
MONTE GRANDE.PR-G214 
Esta ruta circular de case 23 km de lonxitude que non faremos completa, discorre entre repoboaciones de Piñeiro silvestre e masas de caducifolios autóctonos permitíndonos desfrutar de boas vistas panorámicas do val do rio Limia e a Serra do Xures. Trátase dunha ruta de pendentes suaves que percorre pistas forestais anchas e con bo firme, case sempre baixo arborado, o que fai moi adecuada para realizala en bicicleta.
A rua parte das inmediaciones do área de lecer do alto do Vieiro, onde atoparemos unha fonte de auga potable. A poucos metros do seu comezo abandona a estrada e lévanos ata o leito da Corga das Velas, por onde ascende durante un breve treito. Este primeiro tramo é compartido na ida e na volta da ruta, bifurcase ao chegar a zona arborada. Se collemos a esquerda ao chegar a bifurcación atoparemos a Lagoa Grande. Tras bordear un pequeño Outeiro a ruta toma dirección sur, onde hai varias mámoas e unha fonte.
Continuaremos pola ladeira da montaña por unha pista de terra e teremos vistas panorámicas de parte da Baixa Limia, do val do rio Limia, do encoro das Conchas e da Serra do Xurés co seus característicos picos das Gralleiras e de unha plantación de Piñeiro silvestre, alternándose con algúns claros que nos permiten ver a paisaxe lindeira ata chegar ao Outeiro de Lermes.
|
CORGA DA FECHA
O primeiro tramo desta ruta coincide co CAMIÑO NATURAL DA VIA NOVA. Discorre por un ancho camiño de terra entre árbores, que nos leva as ruinas da mansión romana AQUIS ORIGINIS. O camiño prosegue cómodamente polo bosque, seguindo o trazado do Camiño Natural , por onde pasaban as lexións romanas.
Cando levamos 2 km, cruzamos o regato Fecha, afluínte do río Caldo, e emprendemos unha paulatina subida ata a CORGA DA FECHA. Pronto nos encontramos uns dos saltos inferiores. A partires de entón, o sendeiro empinase para salvar o abrupto desnivel do terreo rochoso. Ao ir subindo, presentanos a vista da fervenza en toda a sua dimensión. Despeñase dende gran altura en varios saltos de auga encadeados. Alcanzamos un punto alto a casi 800 m de altura e entón descendemos ata a outra cara, levando enfrente as cumes do Xurés que limitan con Portugal.
O noso seguinte obxetivo será a CABANIÑA DO CURRO, agora por un camiño de terra ancho e cómodo. Proseguimos por un pinar. Temos que cruzar un regato polas pedras do seu cauce e proseguimos ente pinos. Avanzamos ao lado do regato que continuamente forma pequenos saltos e pozas entre as rochas do seu cauce en lixeira subida. Apreciamos a configuración rochosa da serra e ao lonxe divisamos a Serrra de Queguas, etc. Incluso distinguimos a característica silueta de Pena Anamán. Por unha pista de terra a esquerda, a desviación levanos pola VIA NOVA, ata o fin da ruta.
|