Última actualización

23/02/2025

Tui.pdf (1.837 Kb)

INFORMACIÓN DA ZONA

Cidade histórica

O Conxunto Histórico de Tui é o segundo en importancia de Galicia, tras Santiago de Compostela. Tui foi capital dunha das antigas sete provincias do Reino de Galicia e o seu conxunto histórico-artístico é un bo exemplo de urbe medieval cun estado de conservación que o converten nun dos mellores do territorio galego. A comunidade xudía deixou unha pegada profunda na cidade.

As vellas rúas forman unha rede desde as orientacións do río Miño que vai subindo cara a catedral fortaleza, o que lle confire á cidade un singular perfil, recoñecible desde a distancia. A imaxe da vella ponte internacional que a une con Valença, o río aos pés da cidade e a catedral no alto da colina, é xa unha icona repetida en millares de fotografías espalladas polo mundo e tomadas polos peregrinos que entran a Galicia polo Camiño Portugués a Santiago.

A carón de Tui temos o Monte Aloia, que foi o primeiro parque natural de Galicia (04/10/1978). O Aloia posúe uns fantásticos miradoiros orientados cara a distintos lugares que permiten desfrutar de vistas do Baixo Miño, do Val Miñor, da Louriña ou mesmo das illas Cíes, se a néboa o permite.

A natureza é xenerosa neste monte. As distintas repoboacións de especies forestais, permiten desfrutar dun frondoso bosque que reúne árbores singulares nos montes galegos.

Polos seus camiños e sendeiros faremos a primeira ruta desta fin de semana.

O domingo desprazarémonos ata o concello de O Porriño, concretamente ata a parroquia de Santo Estevo de Cans, famosa polo festival de curtametraxes e os seus chimpíns de transporte.

Dende alí subiremos ata o Castelo de Cans ou Penedo do Pianista, pasaremos polo chamado Faro do Monte Budiño e remataremos no Concello de Salceda de Caselas.

ALOXAMENTO E PREZOS

Aloxarémonos no Hotel Colón en Tui, e durmiremos en habitacións dobres ou matrimonio con baño en réxime de aloxamento e almorzo. A cea realizarase no Restaurante El Molino. As comidas de ambos días non están incluídas. Poderase mercar en Tui o necesario.

Lembrámosvos que o número de prazas, coma sempre, é limitado e estableceuse en 40 persoas. Por favor, levade coidado á hora de facer os ingresos para evitar despois problemas na adxudicación de prazas que, como xa imaxinades, farase por estrita orde de recepción do ingreso. O prezo é segundo o cadro que aparece abaixo:

O pago será en 2 etapas:

• Ingreso de 50 euros como reserva de praza dende o momento da comunicación.
• Ingreso do importe restante a partir do 1 de marzo:
• Socios: 100€
• Non socios federados: 125€
• Non federados: 150€

A data límite para apuntarse queda fixada antes do 14 de Marzo.

A saída farémola o Sábado 22 de Marzo e os lugares e horarios de parada do bus, son os seguintes:

PROGRAMA PREVISTO DE ACTIVIDADES

Para calquer comunicación técnica sobre esta web diríxase a webmaster@carroucho.org